အဝတ်အစား ဝယ်ရာတွင် သိထားသင့်သော အချက်များ

ဈေးဝယ်တာက အမျိုးသား အများစု မကျွမ်းကျင်တဲ့ အလုပ် ဖြစ်တာကြောင့် လွယ်ကူ မြန်ဆန်ပြီး အမှားအယွင်း မရှိဘဲ အဝတ်အစားတွေကို ဝယ်နိုင်စေမယ့် နည်းလမ်းတွေကို ဖော်ပြပေး လိုက်ပါတယ်။
အရင်ဆုံး ရှော့ပင်း မထွက်ခင်မှာ အလွယ်တကူ ဝတ်နိုင်၊ ချွတ်နိုင်တဲ့ အဝတ်အစားမျိုးကို ဝတ်ပါ။ ဒါမှသာ ကိုယ်သဘောကျတဲ့ ဝတ်စုံကို ဝတ်ကြည့်တဲ့အခါ အဆင်ပြေမှာပါ။ သင်က ကိုယ်ဘာကို ကြိုက်ရမှန်း၊ ရွေးချယ်ရမှန်း မသိတဲ့ ယောက်ျားမျိုး ဖြစ်နေရင် သင့်ကို ဖက်ရှင်နဲ့ ပတ်သက်ပြီး အကြံဉာဏ် ပေးနိုင်တဲ့ သူငယ်ချင်းကို ခေါ်သွားပါ။ သင့်ကို အမှန်အတိုင်း ဝေဖန်တတ်တဲ့ သူငယ်ချင်းမျိုးတော့ ဖြစ်ဖို့ လိုပါတယ်။ သင်ရဲ့ ပုံစံနဲ့ သင်သဘောကျတတ်တဲ့ အနေအထားကို မသိတဲ့သူကို လုံးဝ မခေါ်ပါနဲ့။ အထူးသဖြင့် သင်နဲ့ ဖက်ရှင်စိတ်ကူးချင်း မတူတဲ့ သူကို မခေါ်သင့်ပါဘူး။ ဈေးဝယ် မသွားခင်မှာ သင်ရဲ့ အဝတ်ဗီရိုကို အရင်ရှင်းပြီး သင့်အတွက် လိုအပ်တာတွေကို ရေးမှတ်ထားပါ။ တကယ်လို့ ခရီး တစ်ခုခု ထွက်စရာ ရှိလို့ ဈေးဝယ်မယ် ဆိုရင် လိုအပ်တာကို ပိုပြီး မှတ်ထားဖို့ လိုပါတယ်။ ဒါမှ တကယ် လိုအပ်တာကိုပဲ ဝယ်ဖြစ်သွားမှာပါ။ သင်ရွေးချယ်တဲ့ ဝတ်စုံက ဒီဇိုင်း၊ အဆင်နဲ့ ဈေးနှုန်းကို ဘယ်လောက်ပဲ ကြိုက်ကြိုက်၊ သင်နဲ့ လိုက်ချင်မှ လိုက်မှာပါ။ ဒါကြောင့် မဝယ်ခင်မှာ ဝတ်ကြည့်ဖို့ မမေ့ပါနဲ့။ သင့်အတွက် သက်သောင့်သက်သာ ရှိ၊မရှိ သိနိုင်အောင် လက်ကို မြှောက်ကြည့်တာမျိုး၊ ထိုင်ကြည့်တာမျိုး လုပ်ပေးပါ။ ဒါဆိုရင် အဝတ်အစား ဝယ်တဲ့အခါ မလိုအပ်တာတွေ မဝယ်မိဘဲ ဝယ်မိသမျှ အရာတွေက သင့်အတွက် အဆင်ပြေတာတွေချည်း ဖြစ်နေမှာပါ။ ဟင်းလေးအိုးမှ