International news for myanmar
ဘာသာမဲ့တို့ သေလျှင် မည်သည့်ဘုံရောက်မည်နည်း
မိတ်ဆွေတစ်ဦးမှ မေးလာသော မေးခွန်းပါ။ “ဘယ် ဘာသာတရား ကိုမှ မကိုးကွယ်တဲ့ သူတွေ သေရင် ဘယ်ရောက်မှာလဲ၊ သူတို့ကို ဘယ်ပုဂ္ဂိုလ်တွေက အဆုံးအဖြတ်ပေး မှာလဲ၊ ကောင်းတဲ့ ဘုံရောက်လား၊ ဒါမှမဟုတ် ငရဲရောက်မှာလား၊ သူတို့ကို ဘယ်ဟာက ဆုံးဖြတ်ပေးမှာလဲ”
ယင်းအတွက် ပြီးပြည့်စုံသောအဖြေကို ဗုဒ္ဓဘာသာတွင် ရှာတွေ့နိုင်ပါသည်။
ပထမဦးစွာ သေခြင်းအကြောင်းကိစ္စကို ရှင်းရမည်။
သေသည် ဟူသည် မရဏ၊ ရုပ်ကော၊နာမ်ကော ချုပ်ငြိမ်းခြင်း။ ခေတ် စကားအရ ရှင်းရှင်းပြော ရလျှင် ခန္ဓာကိုယ်တစ်ခုလုံး လှုပ်ရှားမှုမရှိ၊ အတွင်း ဦးနှောက်၊ နှလုံးတို့လည်း လည်ပတ်သည့် အခြေအနေမှ ရပ်တန့်ခြင်း ဖြစ်သည်။
ယင်းနောက်ကွယ်တွင် မည်သည့်အရာများ ရှိသနည်း။ သေပြီးလျှင် ဘာဖြစ် သနည်း။ မြတ်စွာဘုရား ဟောကြားခဲ့ပါသည်။ သေသော သူသည် ပထဝီမြေကြီး အတွက် အထောက်အပံ့သာ ဖြစ်သွားရသည်။ အရိုးစုများ ကြွင်းကျန်၍ နောက်ဆုံး အားလုံး ပျောက်ကွယ်သွားသည်။ ဒီတော့ သူသည် ဘယ်မှာ လဲ။ ဘယ်မှာမှ မရှိတတော့ပါ။ ရုပ်ကော၊ ခန္ဓာပါ ဤနေရာတွင် တစ်ခါတည်း ချုပ်ငြိမ်းသွားသည်။ ထုိ့ကြောင့် လူဝင်စားလည်း မရှိ၊ နတ်ဝင်စားလည်း မရှိ။ အများစု မှားယွင်းသော အယူအဆက လူဝင်စားသည်။ တိရစ္ဆာန်ဝင်စားသည် အစရှိသဖြင့် စွဲလမ်းနေခြင်း တစ်ချက်ပင်။
အလွယ်ကူဆုံး ဥပမာ ကိုလည်း မြတ်စွာဘုရားဟောကြားခဲ့ဖူးသည်။ ဂူတစ်ဂူတွင် ကြေးဆီခေတ် လိုက်သော အခါ ယင်း ကြေးဆီခေတ် သံမှ ပြန်လည် ပဲ့တင်သည့် သဘောကို ပြ သည်။ ကြေးဆီသည် တစ်ခါအခေတ်ခံရပြီး ပြီးဆုံးသွားသည်။ သို့သော် သူ၏ အသံသည် ဂူထဲတွင် ဆက်လက်၍ မြည်ဟီးသည်။ ထိုနီးတူစွာပင် လူတစ်ဦး သေဆုံးသောအခါ သူ၏ ရုပ်နာမ် နှစ်ခုလုံးက တစ်ဘဝတည်းတွင် ချုပ်ငြိမ်းသော်လည်း သူ၏ ကုသိုလ်၊ အကုသိုလ် ခပ်သံများက နောက်ဘဝသို့ ဆက်လက် ကူးပြောင်းသည်။ ထပ်ရှင်းပါမည်။
တောင်နှစ်လုံးကြားတွင် အသံကျယ်တစ်ခု ကျယ်လောင်စွာအော်လိုက်သည်။ အအော်ရပ်သွားသော်လည်း ယင်းအော်သံက တောင်နှစ်လုံးကြား တွင် ဆက်လက်၍ အကြိမ်ကြိမ် ဟိန်းထွက်သည်။ ထိုနည်းတူစွာပဲ လူတစ်ဦး ဘဝတစ်ခု တွင် ရုပ်ကော၊ ခန္ဓာပါ ပျက်ဆီးသေဆုံးသွားသော်လည်း သူ၏ ကုသိုလ်၊အကုသိုလ်လုပ်ဆောင်ချက်များ က အော်သံအဆက်အနေဖြင့် ရုပ်နာမ် တစ်စုံပေါ်လာတိုင်း ဆက်လက်၍ အသံမြည်သည်။ ယင်းအသံကို ဆက်ကြားရသည်။ ခံစားရသည်။ ကုသိုလ်အသံကြောင့် ကောင်းတာ ဖြစ်၍ အကုသိုလ်အသံကြောင့် မကောင်းတာ ဖြစ်သည်။ ဤနေရာတွင် လူဟူသည်က ရုပ်တစ်ခုသာ ဖြစ်ပြီး မည်သူမှ မပိုင်၊ ကိုယ်လည်း မပိုင်ပါ။ စိတ်ကိုလည်း မပိုင်ပါ။ ရုပ်နှင်စိတ် ပေါင်းစပ်မှုကြောင့် ဖြစ်လာသော ခန္ဓာဟူသည်ကား က ဝဋ်ပမာ ခံစား၍ ကြေးစည်သံ၊ အော်သံကို ဆက်မြည်ဟီးစေသည်။ ယင်း အသံရပ်သွားသည့် တစ်နေ့သည် ဘဝ ဖြစ်ပျက် သံသရာမှ လွတ်မြောက်သော တစ်နေ့ဖြစ်ပြီး နိဗ္ဗာန်သို့ လျှောက်လှမ်းသော တစ်နေ့ ဖြစ်သည်။
ထို့ကြောင့် မိမိ သေသည်၊ နတ်ဖြစ်သည်။ ငရဲရောက်သည်ဟူကား ဤ ရုပ်ခန္ဓာမှ ဆက်လက် သယ်ဆောင်သွားခြင်း မဟုတ်ပါ။ ရုပ်အသစ်၊ စိတ်အသစ်က ဆက်လက်၍ ခံစားပေးသွားခြင်းပင်။ ထို့ကြောင့် စာဖတ်သူတို့ သုံးသပ်ကြည့်ပါ။ အရင်ဘဝက မည်သည့် ဘုံဘဝက ဘာဖြစ်ခဲ့သည်ကို မှတ်မိပါသလား။ မမှတ်နိုင်ပါ။ အဘယ်ကြောင့်ဆိုသော် ယခင် ကြေးဆီခပ်သံ လိုဏ်ဂူခေါင်းသံကို စာဖတ်သူ၏ ရုပ်၊နာမ်က ဆက်လက် သယ်ဆောင်၊မြည်ဟီးနေစေခြင်းသာ ဖြစ်သည်။ မှတ်မိသည် ဟူသော ဖြစ်ရပ်မှာ ဘဝတစ်ခုမချုပ်မှီ ပြုခဲ့သော ကျင့်စဉ်ပါရမီ ထူးကြောင့်သော်လည်းကောင်း၊ ယခုဘဝ အလေ့အကျင့် အား ကောင်းမှုကြောင့် ယခင်ဘဝကို ပြန်မြင်ရသည်ဟု လည်းကောင်း သိမြင်ရခြင်းသာ ဖြစ်သည်။ တော်ရုံအခြေအနေတစ်ခုတွင် သာမန်လူတစ်ဦးက ရှေးဘဝ ကို ပြန်မကြည့်နိုင်သလို နောက်ဘဝကိုလည်း မခန့်မှန်းနိုင်ပါ။ ထို့ကြောင့် လူဖြစ်လာလျှင် မလွတ်ကင်းနိုင်သော သံသရာတွင် ကျင်လည်ရသည်။
ထို့ကြောင့် ယင်းကဲ့သုိ့ရှေ့ မနောက်မသိသည့်လူသားများ၊ ဖြစ်ပျက်ကို မသိသည့်လူသားများကို နည်းလမ်းညွန်ပြ၊ ပြသပေးရန် ဘာသာအမျိုးမျိုး ပေါ်ပေါက်လာခဲ့သည်။ ဗုဒ္ဓမြတ်စွာဘုရားရှင်က ခန္ဓာဖြစ်ပျက်အကြောင်း ရှင်းလင်းဟောကြားသည်။ ဘဝဖြစ်စဉ်ဟောကြားသည်။ ချုပ်စဉ် ကိုဟောကြားသည်။ လူတင်မကပဲ ဘယ်ဘုံ၊ဘဝ ရှိသည်ကိုပါ တစ်ခါတည်း ရှင်းလင်း ဟောကြားသည်။ ဆုံးမသည်။ ယင်း သံသရာမှ လွတ်မြောက် နိုင်သည့် လမ်းစဉ်ကို အလွယ်ကူဆုံးဖြစ်အောင် ပြန်လည်ဟောကြားပြသပေးသည်။ ဗုဒ္ဓဘာသာ ကိုးကွယ်ယုံကြည်၊ ဆည်းကပ်သူက ဘယ်လမ်းခရီးကိုရွေးလျှင် ဘယ်ဘဝကို မြင်ရသည်ဟု သေချာသိစေရသည်။ ဘဝကို ဘုရားက ဖန်တီးခြင်းမဟုတ်၊ တန်ခိုးရှင်ကဖန်တီးခြင်း မဟုတ်၊ လူကိုလူသာ လုပ်၍ မပြီးဆုံးနိုင်သော သံသရာက ကမ္ဘာအဆက်ဆက်က ဖြစ်တည်လာခြင်းပင်။
ထို့ကြောင့် လူသားတို့အတွက် မြတ်စွာဘုရားက ၃၁ ဘုံရှိကြောင်း သေချာရှင်းလင်းဟောကြား သည်။ ဆောင်းပါးအစက မေးခွန်းအဖြေမှာ ယခုမှ စပါသည်။ မည်သည့်ဘာသာကိုမှမကိုးကွယ်သူ ဟူခြင်းက ဘာသာမဲ့ကို ဆိုလိုသည်။ ဘာသာမဲ့တစ်ဦးသည် ဥာဏ်ပညာထက်ကောင်း ထက်မည်။ ညံ့ကောင်းညံ့မည်။ ညံ့လျှင်မတတ်နိုင်။ ထပ်လျှင်သော အကန့်အသတ်တစ်ခုရှိသည်။ “ငါဘယ်ဘာသာမှ မယုံဘူး။ သံသရာကိုလည်းမယုံဘူး။ အားလုံး တကယ်အမှန်မဟုတ်ဘူး” ဟု ယုံကြည်နေသော သူတစ်ယောက်သည် ကောင်းသောအလုပ်က ဘာဖြစ်သည်၊ မကောင်းသော အလုပ်က ဘာဖြစ်သည်ကို လွယ်လွယ်မခွဲခြားနိုင်။
မြတ်စွာဘုရားရှင်က ကောင်းသော အလုပ် ဘာဖြစ်သည်။ ကုသိုလ် ၁၀ ပါးရှိသည်။ အကုသိုလ် ၁၀ ပါးရှိသည်။ ဝိပဿနာကျင့်စဉ် ထိုသို့ရှိသည် အစရှိသဖြင့် နည်းလမ်းများကို အလွယ်ကူဆုံး၊အနားလည် ဆုံး ဖြစ်အောင် ဟောကြားထားသည်။ သို့သော် မလေ့လာထားပါက ဘာသာမဲ့နှင့် မထူးမခြားနားပင်။ ယင်းအခြေခံလေးကိုမှ မသိလျှင် သံသရာဝတ်ဆင်းရဲကိုလည်း မသိနိုင်။ ကြောင်းကျိုးရှိသည်ကို မယုံကြည်ခြင်း၊ ကုသိုလ်အကုသိုလ်ကို မသိခြင်း၊ ကံကံ၏ အကျိးကို မယုံကြည်ခြင်းတို့က ဒိဌိဖြစ်စေသည့် အကြောင်းတရားများပင် ဖြစ်သည်။ ဒိဌိတွင်ပင် အမျိုးမျိုးထပ်ကွဲ၍ ခံရသည့် ဝဋ်ဘဝကလည်း အမျိုးမျိုးကွဲပါသည်။ သေချာသည်ကား ကာမ ၇ ဘုံတွင် ငရဲနှင့် တိရစ္ဆာန်ဘုံတို့တွင်သာ ဖြစ်ချုပ်ရန် ဘဝဆက်ရသည်။ နောက်မှ ဘုံအကြောင်း ဆက်လက်ရှင်းလင်းပါမည်။
ထို့ကြောင့် သေသောသူကို ဘယ်သူမှ အဆုံးအဖြတ်မပေးပါဘူး။ ဘုရားလည်း အဆုံးအဖြတ်မပေးပါ။ ကိုယ်တိုင်သာ ဖြစ်သည်၊ချုပ်သည်၊ ပျက်သည်။ ရောက်ရမည့် ဘုံဘဝက မြတ်စွာဘုရားဟောကြားသော ၃၁ ဘုံတွင်းတွင်သာ ဖြစ်ပြီး ဘာသာမဲ့ ဒိဌိတို့အဖို့ ကောင်းရာဘုံသို့မရောက်နိုင် ရာ ဆိုးလွန်သပ အဝီစိလို့ လားရာအပ်သည်။
စာဖတ်သူတို့ ကိုယ်စိတ်နှစ်ဖြာအေးချမ်း၍ ခန္ဓာဖြစ်ပျက်သဘောကို သေချာ ရှုမြင့်နိုင်ကြပါစေ။
-
အောင်ခမ်း (Myanmar Young Buddhist)
အပြည့်အစုံသို့ ...
